ادريس عليه السلام

بسم الله والحمدلله والصلاة والسلام على رسول الله صلى الله عليه وسلم نكمل كلامنا عن قصص الأنبياء واليوم إن شاء الله نبدأ في سرد قصة سيدنا إدريس أول نبي مع سيدنا آدم عليهما السلام
قصة سيدنا ادريس عليه السلام 
سيدنا إدريس كان من أحفاد شيث بن سيدنا آدم عليه السلام ..اسمه عند العبرانيين خنوخ وبالترجمة للعربية هتبقى أخنوخ
إتولد وعاش حوالي 308
بعد ۏفاة أبونا آدم إبتدا الناس ينسوا ربنا وحدة وحدة إبتدوا يبعدوا عن الطاعات وتنتشر المعاصي ف بعث الله سيدنا إدريس يفكرهم بدينهم ويدعوهم للعودة للطاعات والبعد عن الذنوب.

برغم إنه كان أول نبي بعد سيدنا آدم وابنه شيث إلا إن ناس كتيير فاكرة إن سيدنا نوح كان هو الأول لدرجة إن فيه خلاف عند البعض لحد دلوقتي مين فيهم الأول!
والصحيح إن سيدنا إدريس كان أول نبي وسيدنا نوح كان أول رسول
بمعنى إن سيدنا إدريس مجاش برسالة جديدة. الناس كانت لسه بتعبد الله وحده مفيش شرك ولا كفر ف دور سيدنا إدريس كان تذكيرهم بأعمال الخير والطاعات وحثهم على العمل الصالح ونهيهم عن المعاصي والآثام.
أما سيدنا نوح فهو حفيد سيدنا إدريس وكان قدومه بعد ما الناس أشركت مع الله وعبدت غيره ف كانت رسالته نشر التوحيد من جديد.
_
أغلب الظن إنه ولد عليه السلام في بابل وعاش فيها فترة طويلة وبعدها سافر لمصر .. عاش فيها فترة هي كمان قبل ما يستمر في رحلة سفره إللي شملت بلدان متعددة للدعوة لله 
المؤرخين والدارسين للتاريخ لما لاقوا في النصوص القديمة من الآثار المصرية إشارات تدل على الإيمان بوحدانية الله بحثوا عن أنبياء عاشوا في مصر في وقت متزامن نوعا ما مع توقيت كتابة النصوص دي .. ولما مالاقوش أي نبوات موثقة بالدرجة دي من القدم التاريخي ده إللي خلاهم ينسبوها لسيدنا إدريس ويتوسعوا أكتر في دراسة سيرته.
فظهرت إفتراضات متعددة حول شخصيته الحقيقة ..
قال البعض إن إخناتون أمنحوتب الرابع هو سيدنا إدريس نفسه .. وده بسبب مبدأ التوحيد العميق إللي كان ظاهر جدا في كتابات إخناتون وإللي بيتوافق تماما مع ما ينادي به سيدنا إدريس والأنبياء أجمعين.
ومن ناحية تانية قال البعض إن سيدنا إدريس كان هو الفيلسوف اليوناني المسمى ب أرسطو .. وده بسبب فلسفته ومعتقداته إللي بتناسب شخصية سيدنا إدريس بشكل كبير في وجهة نظرهم.
بينما علماء الدين بيبعدوا عن كل الإفتراضات دي والبعض منهم بيرفضها من باب التمسك بما ذكر عن سيدنا إدريس في كتاب الله فقط لا غير وإهمال باقي الأخبار خصوصا إن القرآن بيهتم بالتفاصيل إللي ليها إعتبار وأهمية ف يعرضها لينا عشان يتوجه إهتمامنا وتركيزنا ليها ونبعد عن أي تفاصيل تانية مش هتفرق معانا في ديننا.
ربنا قال عنه في القرآن