فى رثاء الاكس بقلم نيرة وائل
بص قدامك ھنموت
ضحك مرة تانية و فضل ماشي بنفس السرعة لحد ما وصلنا للبحر
اخدت نفس اول ما وقف العربية
_ايدا انا لسه عايشة بجد
_ انزلي
_ ايه هترميني في البحر المرة دي
_ انزلي يا خديجة انزلي
نزلنا من العربية و هو مشي ناحية البحر فضلت واقفة مكاني
لقيته بيشاولي امشي
_ اقلعي
_ افندم
قولتها وانا ببصله پصدمة
_ الشوز يا خديجة
_ هاااا اااه الشوز
ضحك و وطى يخلع جزمته و رفع البنطلون و نزل الماية
عملت زيه و مشيت وراه
_سامعة المزيكا دي
_ فين دي
_ مش مهم انا سامعها
ضحكت بعد ما افتكرت اليوم دا
_ مادام ضحكتي يبقى افتكرتي يلا
_بس
_ عارف المزيكا ثواني
طلع موبايله و شغل ميوزك و مد ايديه ليا
_ بس قمر خلينا متفقين
قالها وهو بيغمز وحقيقي مشفتش اجن من كدا
رقصنا لحد المزيكا ما خلصت و فجأة لقيته بيرش عليا ماية
_امير لااااااا
ولا حياة لمن تنادي طبعا كمل لحد ما غرقني
فضلنا نلعب بالماية و نضحك
كنت بضحك من قلبي وانا معاه
نساني كل اللي حصل من شويه
واقترن لتاني مرة بذكري بشعة وحولها لذكرى مبهجة اوي
قولتها و انا ببص لهدومي اللي بقت كلها ماية
شدني من ايدي وهو بيضحك
_تعالي
ركبنا العربية و لقيته وقف قدام مول كبير
_ هنعمل ايه هنا
_ انزلي بس
نزلت معاه ودخلنا المول لقيته بيختارلي فستان
_جربيه كدا
_ ايه دا
_ هدومك غرقانة اكيد مش هتروحي كدا
_بس
_ ايه مش عاجبك شوفي دا كدا طيب
_ لا لا عاجبني هروح اجربه
دخلت اقيس الفستان وحقيقي كان تحفة كأنه متفصل عليا
لكن بصيت على التيكت لقيته بنص مرتبي حرفيا
كنت لسه هغيره لقيت حد بيخبط عليا
_ نعم
_ استاذة خديجة ممكن تخلصي امير بيه مستنيكي من بدري
هي عرفت ان أمير يبقى بيه منين هو مشهور للدرجادي
ايدا ثواني هو امير يبقى مين في الشركة اصلا
بس انا حتى معرفش هو اسمه امير ايه
سرحت في افكاري لحد ما لقيت الباب بيخبط مرة تانية
فتحت الباب وانا فكراها البنت اللي نادتني من شويه
لقيت امير في وشي
_واااااو
طلعت منه وهو بيسقف اول ما شافني بالفستان
_مش حلو
قولتهاا بسرعه وجيت اقفل الباب لقيته سده برجله
قال للبنت اللي في المحل تحطلي هدومي اللي جيت بيها في شنطة
_ وقفت قدام المراية و انا بتفرج على الفستان مش عارفه افرح بجماله
ولا اعيط على نص المرتب اللي ضاع
لقيت انعكاس أمير في المرايا بيتسملي و هو واقف ورايا
لا اراديا لقتني ببادله الإبتسامة
قرب عليا وهمس في ودني
_علفكرة طالعة زي القمر
_ احم ميرسي
نزلنا تحت عشان نحاسب و نطلع لكن اتفاجئت انه عدا الكاشير و مكمل مشي عادي
_ امير الحساب
_ حساب ايه
شاورت بإيدي على اللبس لقيته ضحك
_ احم هو انا مقولتش ليكي ان المول دا بتاعي
_ ايييه
هز اكتافه بضحك
_ يلا بينا
_ لا مش همشي غير لما ادفع
_ اعتبريه هدية
_ وانا اعرفك منين عشان اقبل منك هدية
_ اصلا
هزيت راسي ب ايوا
مد ايديه يسلم عليا
_ انا امير الملاح المدير التنفيذي للشركة اللي حضرتك بتشتغلي فيها
_ المدير التنفيذي
قولتها وانا بحط ايدي على بوقي پصدمة
شد ايدي و سلم عليا بضحك
_ يلا نمشي بقا
_ لا لازم ادفع الحساب الاول
جريت على الكاشير و انا بطلع الفيزا لكن ملقتهاش
وحاجة في منتهى الاحراج بجد
_ شكلك نسيتها يلا بقا
_ لا هي في الشنطة انا متأكدة ثواني بس
قلبت الشنطة كلها على مكتب الكاشير
لكن من غير فايدة ملقتش حاجه
_مش نمشي بقا ولا ايه
_ بس .
خد مني الشنطة و مسك ايدي ومشي بيا على برا
_ ايه رأيك نتغدا سوا
_ لا انا لازم اروح
_طيب اركبي اوصلك يلا
_ لا انا هروح لوحدي
قولتها و انا بوقف تاكسي
_خديجة
نادي عليا قبل ما اركب و فضل باصص ليا كأنه
