اسكربت عشقي الطاهر بقلم زهرة الربيع

وتشوف البنت الي هيخطبها ..لبست دريس رقيق ومتفصل على عودها الجميل وسابت شعرها نازل زي العاده على اكتافها كانت جميله جدا وكانت بتحاول تبين جمالها بس بطريقه بسيطه مش عايزه الي حواليها ياخدو بالهم انها مهتمه
جات بنت صغيره ١٢ سنه دي نانسي بنت سهى الكبيره قالت..وصلو يا جدو وصلو
الجد وقف بفرحه شديده لان دي اول مره هيشوف حفيده من ٥ سنين.. وفيروز حطت ايدها على قلبها الي كان هيطلع من مكانو
دخل طاهر بطلتو الي تأسر القلب واتقدم عليه جدو الي حضنو بشده وشوق وطاهر كمان كان مشتاقلو جدا وقال..وحشتني يا جدي وحشتني اقوي
جده قال بدموع...انت اكتر يا غالي يا ابن الغالي
سهى كانت عيونها على البنت الي دخلت معاه كانت طوويله وجميله زي عارضات الازياء ولابسه بنطلون جينز وتوب ضيقين جدا وبتبص للمكان بقرف شديد
طاهر سلم على الكل وسلم على سهى و على اولادها نانسي وخالد وطبعا سليم الي هو اصلا ابنو وقف ثوني قدامو وبقى يبصلو باستغراب من الشبه الكبير جدا الي بينهم وقال ..معقوله انت ابن كارم..غريبه متشبهوش خالص
الكل اتوتر وسليم قال ببرائه...صحيح..انت تشبهني اكتر
طاهر بصلهم ووووو
٣٦ ٧١١ م زهرة الربيع طاهر بصلهم باستغراب وسهى قالت بسرعه..وفيها ايه دي يا سليم يا حبيبي..ما اهو انكل طاهر يبقى ابن عم بباك وابن خالي اناكمان وطبيعي يشبهك
ابتسم طاهر باستغراب وقال..
جايز
ومرر عيونه في المكان كانت واقفه في زاويه بعيد عنهم اول ما بصلها بعدت عيونها بسرعه.. ابتسم بسعاده من جواه على مظهرها الجميل البسيط كبرت وبقت انثى بكل معنى الكلمه وجمالها ذاد اضعاف اتنهد وقال بابتسامه..ازيك يا فيروز
ابتسمت بالعافيه وقالت...حمد الله على السلامه...وبصت للاطفال وقالت..يلا يا اولاد خليني انيمكم
راحو معاها الاطغال التلاته هيه متعوده بتنيمهم هما التلاته حتى تروح تنمام
اتنهد طاهر وبص لطيفها بابتسامه وقال..كبرت فيروز...كبرت واحلوت...بس شكلها لسه شايله مني
جده بص للبنت الي جايبها معاه بضيق وقال..لا ملهاش حق
ضحك طاهر وقال ..ياااه...دي مش لوحدها الي شايله بقى...وبص لسهى وقال..معلش ياسهى خدي ندى وخليها تريح ..عايز اتكلم مع جدي شويه
سهى بصت لندى بضيق وقرف وقالت..تعالي يااختي علشان تريحي... واهو تلبسيلك حاجه واسعه بدل الي كاتم على ...على نغسك ده
ندى طلعت معاها وطاهر ضحك على سهى وكلامها وبص لجده وقال..ها بقى معقوله جدي الغالي لسه زعلان مني
اتنهد جده وقال ..لا وانت عملت حاجه تزعل
طاهر قال ...يا جدي مش انت صاحب الفكره دي كلها من اولها..انت وبابا الله يرحمو السبب قولتو اتجوزها زي ما كارم اتجوز اختها علشان متضطرش تسافر عند اعمامها..وعلشان ميخدوهاش بعد ما توفت مامتها ..زعلان ليه دلوقتي
جده بصلو بضيق وقال..انت عارف انا زعلان ليه..انا اشترطت عليك..لو هتتجوزها علشان تنفذ وصيه ابوك وتعمل برغبتي .تتجوزها وتسافر براحتك وتتجوز وتعمل الي انت عايزه. وتكسرها كده وتمشي ده حتى ميرضيش ربنا
حط ايده على رقبتو بحرج وقال..احم..مهو..مهو انا كنت ناوي اعمل كده.
جده قال بضيق...انت الي شوفت بنات بعدد شعر راسك ضعفت طب والغلبانه دي الي مفكرتش غير فيك طول عمرها مفكرتش فيها...نهايتو ..فيروز تبقى حفيدتي بنت بنتي زي ما انت ابن ابني انا اتحايلت على المرحوم ابوها علشان يتجوز بنتي هنا معايا علشان متغبش عني وربيت فيروز على ايدي ..مش هاجي دلوقتي اكسرها علشانك... انت تطلقها وتروح تتجوز الي جايبها معاك دي او تتجوز غيرها انت حر المهم تطلق
البنت وتسبها تشوف حياتها..
وبعد عنو شويه وقال بخبث...العرسان بتتقدم لها كتير ولازم تطلقو الاول علشان تشوف نصيبها
وقف وقال پغضب...تشوف ايه..انت هتجوزها
جده ابتسم وبصلو باستغراب وقال..طبعا هجوزها البنت صغيره ولازم تتمتع بشبابها ده يضايقك في حاجه
طاهر خد بالو انو انفعل حاول يهدى و قال احم..ابدا بس افتكرت انكم عايزينها معاكم ومش عايزينها تبعد من هنا
جده قال ..لا متقلقش ما انا اكيد هجوزها واحد من هنا وقريب من هنا اوي وكمان عينه منها كتير الي مستنيها تطلق على احر من الجمر هيه بس تختار
طاهر اتضايق جدا ومكانش عارف ايه الي خنقو كده وقال..احم..تمام ..هطلع اريح تعبان..نتكلم بعدين