البدلة الحمراء للكاتب عادل عبد الله الحلقة الأولي
انت في الصفحة 1 من 3 صفحات
البدلة الحمراء
للكاتب عادل عبد الله
تعود أحداث قصتنا الي شهر اغسطس عام 2017 .
قصتنا اليوم قصة حقيقية حدثت بالفعل تم تغيير الأسماء وبعض التفاصيل .
البداية
سالي يا ماما مش هينفع أتجوزه أنا مش موافقة .
الام ليه يا حبيبتي ماله حسام فيه ايه يتعيب ده عريس زي الفل !!
سالي يا ماما انا مقولتش حاجة حسام فعلا عريس كويس لكن مش ده اللي في خيالي ولا ينفع اعيش معاه .
سالي لأ ياماما مفيش حد لا تاني ولا تالت .
الأم أنا أمك يا سالي قوليلي الحقيقة وانا اقف جنبك واعملك كل اللي نفسك فيه بس فهميني دماغك فيها ايه
سالي ياماما كل اللي في دماغي اني عايزة لما اتجوز جوزي يعيش معايا مش اتجوزه من هنا ويسيبني ويسافر ويرجعلي شهر واحد كل سنة يبقي جواز ايه ده !!!
سالي يا ماما اللي بياخد علي السفر مش بيرجع الا بعد ما عمره يروح وانا مش عايزة اضيع عمري بالطريقة دي .
الأم لكن ده عريس لقطة حرام لما تضيعيه من ايدك
سالي كمان يا ماما أهله مش كويسين .
الأم مش كويسين ازاي
سالي زي ما انتي شايفة أخواته أخلاقهم وحشة وأمه كمان ست مش سهلة وبتعمل مشاكل مع طوب الأرض .
سالي أنا خلاص قولت رأيي ومش موافقة ياماما .
الأم أنا حاسة انك عينك من حد تاني ومستنياه ومش عايزة تتكلمي .
سالي لأ يا ماما مفيش أي حد لو فيه حد كنت قولتلك .
الأم لو عرفت انك مخبية عني حاجة يا سالي هقول لخالك سلامة وانتي عارفاه ممكن يعمل ايه .
اتصلت أم سالي بحسام وقالت معلش يا حسام يا بني كل شئ قسمة ونصيب .
حسام يعني ايه طيب ليه ده انا كنت هتقلها بالدهب !! مين اللي رفضني سالي اللي رفضت ولا انتي ولا مين
ام سحر احنا مش رفضناك يا بني انت عريس زي الفل واي عروسة تتمناك وسالي كانت هتوافق عليك لولا أنك بتسافر تشتغل بره .
أم سالي يا ابني اللي بياخد علي السفر مبيرجعش وبيقضي حياته كلها في الغربة .
حسام بالنسبة ليا انا لا أنا عايز ارجع اعيش وسط امي وأخواتي مع عروستي علشان كده زي ما قولتلك سنتين بالظبط وأرجع استقر واعيش هنا .
أم سالي طيب اسمع ايه رأيك
أنا أحاول أقنعها تخطبها دلوقتي وتتجوزوا
