روايه سندي الصالح مكتملة لجميع الاجزاء بقلم الكاتبه مريم ابو شامه

واي يعني .. تاخدي
احمريت ووشي قلب
تفيت ف وشه والحمد لله كان قريب مني ومقولكوش الل حصل
_ بصوت عالي اوي قال يشيخه ينعل ايو معرفتك وابو قرفك اي اليوم المهبب دا ... مقرفه مالكيش ف الرومانسيه
مشي وهو بيشتم بصوت عالي...
وانا مېته ضحك .. رغم كل الصدمات الل ختها انهارده بس ثانكس جود لسه بضحك
فجأة جه ف بالي انو رايح يخطب اختي تؤامي
ازاي ابن الهبله هيتجوز اتنين تؤام...
لقيت معاذ داخل وشه احمر وعيونه حمرا جدا......
سندي_الصالح
القيت معاذ داخل وشه احمر وعيونه حمرا جدا بصتله وحسيت انو صعب عليا حالته مهلكه فعلا ...

 حسيت اد اي هو تعبان اد اي هو اتحمل فوق طاقته الكلام ع باباه واخته صعب لما هو الل يقبض ع باباه واخته شئ صعب.
فضلنا ع الحال دا شويا لحد ما لقيت صوت رخم انا عرفاه كويس ..
_ والله حضراتكو اسف اني هقطع عليكو اللحظه دي واسببلكو ازعاج بس يلا عشان انهارده خطوبتي ويادبلة الخطوبه عقبالنا كلنا.
ودا مكنش غيره ايوب ..
اتعدل معاذ وتقريبا كان ف دموع ف عيونه مسحها وبصله ببرود وقاله
والله دي خطوبتك انت انا مالي انا واختي
_ لا يحبيبي مالك ومالك كمان انهارده خطوبتي ع حب حياتي وعايز افرح وهيصه وهيهيهيهي بقااا
حب حياتي الكلمه دي وقفت ف عقلي مش عارفه تترجم بأني شكل حب حياته بيحبها م الطفوله ولا اي دا جووزي ابن ال دا
طيب اخرج عشان مليكه تجهز...
بصيت لمعاذ وهمستله براحه
_ انا مش عايزه اروح يمعاذ
لي يحبيبي دا خطوبة اختك وبعدين انا مش هطول هناك هروح اوريهم وشي واخدك وامشي.
_ مش هنتأخر
ماشي مش هنتأخر
بردو طلع زي فرقع لوز واتكلم وهو بيجز ع سنانه
_ م خلاص كفايه توشويش وتضيع وقت هنتأخر.
طب ما تخرج عشان منتأخرش
_ وانت هتفضل هنا يحبيبي وهي بتغير
اهاا اختي انت مالك
سحبه من بدلته قدامه وكأنه ماسك حرامي 
_ قدامي ي بأف عشان معلقكش 
بعدها بصلي وهو بيقفل الباب وغمزلي 
_ وانتي ي ضي عيوني خلصي بسرعه عشان منتأخرش ع العروسه...
لو قولتلكو انو رخم اكيد هتصدقو ف اي بيقولي ي ضي عيوني وف اي بيقولي هنتاخر ع العروسه اال هي ساعتين وهتبقي خطيبته رسمي 
خرجت بعد وقت مش كتير كنت لابسه فستان اسود بيلمع طويل سواريه وطرحه حمرا وكنت جامده جامده مفيهاش كلام
بصراحه كنت مكسوفه اويي 4 شباب زي الورد متقولوش شاروخان يولاد وانا بصراحه عندي جفاف عاطفي
روحت ع يوسف الل هو المفروض جوزي وكلبشت ف ايده لقيته وقف متحركش وحسيت جسمه كله ثلج وبيبص ناحية ايوب وبيبلع ريقه براحه منااا مراتك ي ابو احمد هو ف ايي يرااجل..
 اخيرا اتكلم ايوب وقال 
_ تعالي معايا ف عربيتي عشان اميره اختي عايزه تشوفك وكدا
وهتفرق يعني العربيات
شدني وقال 
_ اه هتفرق يلا .. بعدها اتكلم وقالهم
_ يلا كل واحد ف عربيته هنطلع ع بيتي ناخد اهلي ونمشي
وطبعا كنت معاه ف العربيه وقاعده ف الكرسي الل قدام وعماله افرك ف ايدي بتوتر بسبب نظراته المهلكه الل تقريبا هتحرقني كمان شويه 
لقيته مره واحده قال بصوت عالي 
_ وهي بقاا الاستاذه سرحانه ف ايي ليكونش ف قرة عينها وانا مش داري
بصتله وسكت...
_ امممم مش هتردي وبقاا مين جابلك الفستان الل بينور دا
ميزو
بصوت عالي _ ميزو مين يعنياااا
هيكون مين ميزو اخويا
_ وهو معاذ بقاا ميزو
حاجه زي كدا
_ وياتري بقاا المكياج الل حطاه دا عاجبك
لا انا حاطه روج بس
_ اممممم وشعرك الل خارجه نصه دا الل هتتعلقي منه ف جهنم حلو وعاجبك
لا دي الطرحه هي الل بتتزحلق
_ طب انزلي وصلنا
هنزل