بلا أمل
ياست الكل الزمن ده بقت الناس لما متلاقيش حد تضحك عليه بتضحك علي نفسها
بس رغم كده لسه فيه ناس نقية وعندها قلب زيك
تسلمي ياست الكل العمارة اهي تعالي اطلعك
طلعوا لغاية ما وصلوا للعيادة
اهي العيادة واتفضلي قيت ال١٠٠ جنيه اهي تؤمريني بحاجة
معلش يابنتي بس ممكن تدخلي معايا للدكتور عشان اول مرة اجي من غير ابني هو الي بيفهم الدكتور وبياخد منه الروشتة
دخلت معاها للدكتور وكان باين من كلام الدكتور ان في تحسن في حالتها
دي بنتكاصلها اول مرة تيجي معاكي دايما ابنك هو الي بيجي
الست اتكلمت بحسرة وۏجع
لا يا دكتور انا بنتي مېته بقالها سنين.........
بلا_أمل
Part6
بلا_أمل
الحمد لله يامدام اقدر اقولك انك بتتحسني وأن شاء الرحمن قريب تفتحي
لا بجد المرة دي الوضع مبشر جدا
خلص الكشف الست خرجت وسندس معاها
عارفة يابنتي انا مش بثق في الناس بسهولة اوي كده
بس ربك له حكمة اني احبك وقلبي يرتحلك من مرة اول مرة كده
تسلمي ياحجة انت باين عليكي بتاعت ربنا وست طيبة ربنا يديكي الصحة يارب
يارب يابنتي ويباركلك في اهلك ونعمة التربية
محتاجة مني حاجة تانية
لا يابنتي تسلمي ربنا يكتر من امثالك ويحفظك يارب
مشيت سندس وهي حزينة علي انها من غير ام حنينة تحن عليها ولا أب واعي يحميها
روحت سندس لحارتها فضلت تدور علي البنت الي سابتها الصبح واما ملقتهاش اتأكدت ان ابوها نفذ كلامه وطلعها برضه
دخلت لأبوها متعصبة
ابوها ببرود
بت مين مش فاهم
ده انا اقسمت بالله انك لو طلعتها هسيبلك الحارة بلي فيها وانت مهمكش بعد كده متلومنيش
وخرجت وهي متعصبة
انت ياض يابشلة
نعم ياسندس
البت بتاعت الصبح فين
مش عار...
اقسم بالله مش هبقي علي العيش والملح الي بينا وهزعلك
البت فين ااخلص
بلع ريقه واتكلم
المعلم طلعها اوردر
فين
لمين الشقة دي
عايش فيها شاب
صړخت فيه بعصبية كبيرة
تعالي ياروح امك عشان هتوصلني لهناك واقسم بالله لو البت جرالها حاجة لأولع فيكم كلكم واولكم ابويا
في مكان تاني شوية طلبة قاعدين مع بعض في مطعم
أبراهيمهو علي مجاش معانا ليه نحتفل بالتخرج سوا
رد واحد من صحابه
مش عارف بس هو قال انه حابب يعقد في البيت النهاردة مش حابب يخرج
اي الكلام ده يعني مهو ميجيش في اليوم الي كلنا كنا مستنينه بقالنا ٤سنين ولما ربنا يكرمنا بيه يقعدلي ف البيت
يلا بينا نروحله
أبراهيم ٢٢ سنة شاب متعلم عايش مع أمه كان بيدرس في كلية الشرطة حلمه من صغره كان متفوق دينيا ودراسيا شاب كل أم تتمني ابن زيها ولكن صاحب السوء دايما بيسوء سمعت الأفضل منه
مشيوا ال٤ شباب لشقة صاحبهم علي
الي كان
افتحي ياعلي
علي بأرتباك مين
افتح ياعم مين هيخطف جحش زيك
اتردد علي أنه يفتح الباب بس في الاخر قرر يفتحه
اي ياعم نايم ولا أي
تلاقيه مش مصدق نفسه انه خلص ف بيعوض النوم الي اتحرمنا منه
بس بقي خفوا عليه شوية
سأله أبراهيم بأهتمام
مالك ياعلي في حاجة مضيقاك
هاا لا مفيش عادي ياعم
انتوا اي الي جابكم
اما انت عيل غلس بصحيح
اي السؤال البارد ده
مش قصدي بس مش قلتوا انكم هتسهروا برا و.....
مكملش كلامه لقي الباب بيخبط جامد كلهم استغربوا
في اي ياعلي مين جيلك دلوقتي
رد بقلق
مش عارف بس انا مش مستني حد
طب هتروح تشوف مين ولا هتفضل واقف كده
راح علي تاخية الباب وفتح ببطء
اول ما فتح الباب اتضرب علي وشه ببوكس وقعه
اقتح يازبالة
دخلت سندس وفي اديها سکينة وهي بتزعق فيهم
الله الله لا وكمان عامل علي حتة عيلة حفلة وعازم صحابك
ده انت عيل وس
محدش فيكم عنده اخت في سنها
للدرجة دي بقيتوا مجتمع مقرف مش بيفكر غير في شهواته ومزاجه وبس
الكل كان مش مستوعب مين دي ولا حتي بتقول اي
كلمها ابراهيم بأسلوب حاد
ارمي السکينة الي في ايدك دي لاوديكي في داهية يابت انت
ده انا الي هفضحكم والم عليكم الدنيا ياشوية اوسا
فين البت صړخت بصوت اعلي
البت فييين
رد علي بشئ من الړعب والخزي قدام صحابه
ج...جوا
بدأت تنده عليها بصوت عالي
مللللك مللك تعالي انا هنا
فجأة طلعت ملك من أوضة وكانت لابسة لبس كبير عليها اصلا غير الميكب الي مبينها عندها ٢٠سنة
وسط نظرات الاستحقار والقرف من سندس ومن صحابه
.........
أنا زعلت اوي من الريتش قل والله وكنت زعلانة اصلا وانتوا كملتوا عليا طب هي مش عجباكم
طبتم وطابت قلوبكم عيد مبارك
Part7
بلا_أمل
خرجت سندس بالبنت وسط نظرات الدهشة والاستغراب مكنش في عنيها هي غير القرف والاشمئزاز
قال أبراهيم بعصبية
ممكن تفهمنا ا ده اي الي كان بيحصل ده رايح تعتدي علي طفلة انت مريض ياعلي مريييض
اتكلم علي بعصبية كبيرة
وانت مالك انت أعمل الي انا عايزه انت مش كبير ولا وصي عليا وبعدين متعيشش عليا دور الشريفة الخضري ده عشان مش لايق عليك واصلا انا مكنتش اعرف سنها وهتفرق اي اصلا ماهي كده كده جاية برجليها يعني عارفة
تف عليه أبراهيم وسابه وطلع
أنا مش قلتلك متتحركيش
