الجزار الفصل الثاني
آه متبصليش أصلهم لقوا مراد مقتول
فتعالى معايا دوغري كده عشان متلبسش في الحيط.
_ أنا قلتلك يا باشا أنا معرفش أي حاجة والكلام اللي بتقوله حضرتك ده أول مرة أسمعه.
تمام يا معلم حسني أنا هعمل نفسي مصدقك بس لو كلامك طلع مش صح هلبسك القضية كلها. ولآخر مرة بقولك لو تعرف حاجة بلغني.
_ أنا قلت اللي عندي يا باشا ومعنديش كلام تاني أقوله.
_ تمام يا باشا سلام عليكم.
...
خرج المعلم حسني من مكتبي ودخل أدهم وقلتله...
_ أدهم اعملي ضبط وإحضار لسليم علي صديق المجني عليه.
تمام يا فندم تحت أمرك.
بعد ساعة كان واقف قدامي سليم كان باين على ملامحه التوتر والقلق.
طلبت منه يقعد وقلتله
أنا مش فاهم حاجة.
_ هفهمك... أنا عرفت إن مراد كان على علاقة بأختك وانت عرفت وهددته إنه لو مصلحش غلطته هتقتله. حصل ولا محصلش
لا محصلش.
_ انت كده هتخليني ألجأ لحل صعب وهو إني هعرض أختك على طبيب شرعي وأشوف إذا كانت بنت بنوت ولا لأ
_ إيه يا سليم... أنا على حد تحرياتي إن أخت حضرتك مش متجوزة والتحريات برضه أثبتت إن أختك كانت على علاقة بمراد وإنك هددته وفي شهود على الكلام. فتعالى دوغري كده وقولي اللي حصل واحكيلي قټلته إزاي
أنا مقتلتوش... أنا فعلا هددته قدام الناس بعد ما اكتشفت إنه كان على علاقة بأختي وعشان مكدبش على حضرتك أنا فعلا فكرت أقتله لكن مقتلتوش أنا أضعف من إني أعمل كده.
بس والله ما عملت كده.
_ كل حاجة هتبان قريب.
...
حجزت سليم عندي وأنا حاسس إنه بريء ومعملش كده. مش عارف ليه كنت شاكك في المعلم حسني وعشان كده طلبت من أدهم تحريات عن المعلم حسني كل المعارف والناس اللي شغالة عنده في الجزارة. عاوز أعرف كل حاجة عن الراجل ده.
طبطبت عليه ووعدته إني هجيبله حق ابنه.
وبعدها رجعت البيت عشان أرتاح شوية دخلت أخدت دش وبعدها دخلت رميت جسمي على السرير ونمت. وصحيت تاني يوم مش عارف نمت كل ده إزاي
قومت وجهزت نفسي ونزلت ركبت عربيتي وروحت على المكتب. أول ما دخلت لقيت أدهم بيحط ملف على مكتبي. فقلتله
_ صباح الخير يا أدهم.
صباح النور يا باشا.
_ ها في جديد
دي التحريات
