حقوق ماريانا بقلم ماريانا

زي الفلل التانيه كان حيوي و عصري في نفس الوقت كأن إللي عمله مهندس ديكور ممتاز أو إللي نظمه ست بيت شاطرة ..يعني أيهما أقرب
وقفت علي عتبة الباب بتأمل كل ركن في المكان إللي كان واسع جدا و لا كأنة قاعة أفراح و بحركة لا إرادية قولت السلام عليكم مع إن المكان فاضي ..ساعتها الشاب اتصنم مكانه و بص ليا پصدمة ..حتي أنا كنت مصډومة من نفسي لأني مكنتش أعرف ليه طلعت من بوقي فجأة بس شكلي كنت متعودة 

الشاب ابتسم ليا تآني بعد دقايق من عدم الحركة و الصمت و أخدني وراني البيت كله كنا خلصنا أخيرا في البيت الكبير جدا دا بعد ساعتين و لا حاجة ذاكرتي كانت كويسة الي حد ما بالرغم من كبر البيت افتكرت كل مكان فيه و لا كأني عايشة فيه من زمن طويل ..قعدت علي كنبة موجودة بالصالون إللي تحت و هو قعد في الكنبة إللي قصادي كنت تعبانة من اللف في البيت بس كنت مركزة مع حركاته بعد مدة جات شغالة و حطت قدامه كوباية قهوة و كان جمبها مكعبات سكر و حطت قدامي عصير لأن أنا استأذنت في أنه يديني عصير مش قهوة لقيته بيحط مكعب سكر و التاني و التالت
بس يا خالد كفاية سكر كده هتتعب !
قولتها تلقائياهو رفع رأسه ليا و كان باصص پصدمة و انا كنت مصډومة من نفسي بردو ..مين خالد و انا قولت كدا ليه أصلا
آنتي عرفتي منين إن إسمي خالد
قال هو پصدمة و أستغراب شديد بينما انا كنت ماسكة كوباية العصير بشرب فيها لكن من صدمتي تفيت إللي فبوقي
إنت إسمك خالد!
قولت پصدمة رد عليا هو بنظرة شكاكة
انتي تعرفي إسمي منين
كانت طريقته في الكلام عڼيفة و كان باصص ليا پصدمة ..أنا اتوترت و الكوباية وقعت من أيدي بالغلط و دا زاد توتري آكتر و فجأة بدأت اعيط هو فاق من صډمته لما لقا الدموع مغرقة وشي سحب منديل و لقيته يديهم ليا
معلش أنا أسف مكانش قصدي إني ازعق بس أنا أتفاجأت
_و الله أنا معرفش أنا قولت إسمك ازاي و انا و الله ما أعرفك خالص يا مهندس خالد
قلت أنا بتلقائية بينما كنت لسه بعيط لقيته اتصنم في مكانه تآني...
آنتي تعرفي منين إني مهندس
مكنتش أعرف إنه مهندس...و قولت كدا بتلقائية و حبيت أصلح إللي قولته علشان أنا معرفش أنا بقوله كدا ازاي و خفت يشك فيا من غير سبب
_يعني ..أصل التصميم حلو فقولت إنك مهندس علشان المهندسين ذوقهم حلو
كنت بتكلم و انا موطية رأسي و لقيته فجأة اختفي من قدامي و طلع الجناح إللي في الدور التاني ..مشوفتش ملامحه لما طلع و قولت إنه أكيد عرف كذبتي