عشق بلا امل ضحي
تعالى معايا ...
مي دخلت معاها علشان تستحمى وتلبس حاجه حلوه..
ويحيي بص لامه ..
_كنت متخيل انك هترميها في الشارع علشان بنت احلام
_ازاي يبني دي اختكوا من لحمكوا مهما امها عملت زمان فهى خدت جزاتها البنت ملهاش اي ذنب
_ربنا يديمك في حياتنا يا اجمل ام في الدنيا..
يحيي الكبير قرب عليه بعصبيه
_ممكن تبعد عن مراتي لو سمحت
_يحيي متعصبنيش وابعد
_لا
يحيي حب يغيظه
قام فريده علشان يغيظه اكتر والكل كان واقف يضحك ومنهم فريده..
_انت بتعاندنى
حاجه شكل كدا وعاوز اقولك حاجه انت اه اتجوزتها بس متقدرش تمنعني عنها ..
_ماشي يخويا هوا حد يقدر بغلبك
يحيي غمزله_ايوا كدا ارجع لعقلك.....
وكلهم ضحكوا وفريده بصت ليحيي الكبير وضحكت على منظره ...
يحيي الصغير سابهم..
ودخل الأوضه بتاعت فارس..
لاقاه قاعد ضارب بوز وزعلان
قرب منه..
_بصلي
مكنش راضي يبصله
مسك وشه ورفعه ليه
_ينفع اللي انت عملته دا
هز رأسه بلا
_انا علمتك وربيتك على كدا انك تتريق عالناس وتسخر منهم ..
لا يسخر قوم من قوم عسى أن يكونوا خيرا منهم
انت مش عارف انو حرام ...
_طيب وبعد مسخرت منها وانا زعقتلك كنت حابب انى ازعقلك كدا
_لا
_امال اي
_انا اسف
_لا متعتذرش منى أنا أعتذر من مي
_لا
_انا قولت اي
_يوووه حاضر..
_يلا...
وفي الوقت ده جاله اتصال من الظابط صاحبه..
_اي يا كريم في جديد
_اه للاسف النهارده تنفيذ الحكم ..
_اي...!
_اي يا كريم في جديد
_اي...!
ازاي انت بتقول اي يعنى النهارده ابويا وخالى هيتعدموا مش معقول
_للاسف يا يحيي هم عملوا جرائم كتير في حق نفسهم وحق البلد وكمان غير القټل والسرقه وكل حاجه ممكن
تتخيلها دي اقل حاجه ممكن تحصل فيهم
يحيي زعل جامد على اللي بيحصل دا وعلى أبوه كان نفسه يتغير كان نفسه يبقى ليه اب زي باقى الناس يكون مثالي ويفتخر بيه لكن نصيبه أن يكون أبوه بالسلوك دا وفي الاخر ينعدم ...
يحيي الكبير لاحظ عليه هوا اصلا بيعرفه من نظره ..
قرب منه وقال
_مالك
_النهارده الحكم هيتنفذ
كان نفسي الظروف تتغير وتكون صالحنا بس للاسف كل حاجه اټدمرت مبقاش في فرصه خلاص
_انا عارف انك كل كلمه كنت بتقولها كانت بتبقى من ورا قلبك بس اي حد بيغلط لازم ياخد جزاءه ..
الجزاء من جنس العمل
_صح الجزاء من جنس العمل ربنا يسامحه ...
متقولش لماما حاجه انا لما صدقت انها نسيت اللي حصل معانا انا عارف انك بتحبها ربنا يخليكوا لبعض يارب...
بعدها مى خرجت مع نور وكان شكلها حلو بعد التغيير وفارس صالحها وخلاص بقت منهم وعاشت معاهم ويحيي وداها مدرسه خاصه واتعلمت كل حاجه من اول وجديد وكانت متفوقه جدا في المدرسه وكانت نور بتساعدها
وكانت فرحانه بيها جدا علشان طول عمرها كانت بتتمنى أن يكون ليها اخت ...
ونور نجحت في الثانويه بنسبه ٩٨٪في الميه ومعاها آليا كانت ٩٧٪
والاتنين كانوا فرحانين جدا ودخلوا مع بعض كليه طب...
وعدى سنه وهم في الكليه وكلهم كانوا سعداء.
وفارس ومي بقو قريبين جدا من بعض وبقى معاها في كل حاجه...
وفريده كل يوم حبها ليحيي ليزيد وهوا كمان وعايشين مع بعض كان بينهم عشره كبيره الحب مالى حياتهم والاهتمام والاحترام وكل حاجه تقدر تقول عنهم الزوجين المثاليين وكذالك ام واب لأربع اولاد بيحبوهم ...
واحمد اتقدم لنور ..ويحيي وافق..
وجه اليوم اللي هيقعد فيه معاها...
فريدهاصحى يا نور انتى هتفضلي نايمه كتير كدا
_اي يا ماما في اي
_في عريس متقدملك واخوكي موافق وانا موافقه ويحيي موافق
_اه وفارس ومي اي الاخبار مش معترضين
_معرفش ابقى اسأليهم..
_طيب يلا يا ماما اخرجي واقفلي الباب والنور وسبيني انام انا لما صدقت اخد الاجازه
_طيب والناس اللي جايه دي انتى هبله
_قوليلهم مش موجوده أو اقولك قوليلهم مش موافقه..انا عوزا اتعلم واخد شهاده كبيره مش عوزا اتجوز ...
فريده كانت عارفه أنها بتحب احمد علشان هى كانت قايلالها وكمان عينيها بتفضحها لما بيجي عندهم..
فريده بتمسكنخلاص يبنتي اللي تشوفيه انا هروح اتصل لأحمد واقوله نور مش موافقه وربنا يرزقه بقى ببنت الحلال
نور اول ما سمعت اسم احمد قامت بسرعه من على السرير...
_ماما استني انتى قصدك احمد مين
_احمد صاحب اخوكي اللي كان بيديكي في المدرسه دا انا عارفه انو كبير عليكي يلا محصلش نصيب هروح اتصل بيه هقوله هى ملتفته لدراستها
_لا استني يا ماما بالله عليكي انا هعتزل دراسه اصلا ...
انا كنت بهزر معاكى مالك قموصه كدا ...
_يعني
_هوا وهكون لابسه
فريده قعدت تضحك عليها وعلى جنانها
كانت عارفه أنها أول مهتعرف انو احمد هتعمل كدا...
وبليل جه احمد وعيلته وكان في قمة الشياكه..
ونور كانت متوتره دا حب حياتها اللي جاي يتقدم دا!
اتصلت بآليا علشان تطمنها لدرجه انها زهقت منها لانها كل شويه تكلمها تقولها انها متوتره مش متخيله أن دا كان ممكن يحصل كانت مفكره انو المدرس بتاعها بس ...
يحيي ويحيي قعدوا معاهم ونور كانت جوا
احمد قرب على يحيي
احمدانا مبسوط اووي انى قاعد هنا انت مش عارف يا يحيي انا بحبها قد اي
_اها عارف وعارف برضو أنها وغمزله
_بجد يا يحيي
_عيب عليك دي
تربيتي...
_يارب يا يحيي...
نور خرجت وهي مكسوفه جدا عوزا الأرض تنشق وتبلعها كان معاها مى..
مىمتهدى يبنتى اشحال بقى مكنتيش بتحبيه
_بس يبت
_متخلنيش اقول قدامهم كلهم انك بتحبيه
_لا يا مي بالله عليكي
_مالك يا نور
_متوتره اووي مش متخيله اللي بيحصل دا
وصلت عندهم يحيي حس بتوترها قام ووقف جنبها..
وبصلها.
وبيطمنها يعنيه..
جميل جدا أن يكون عندك اخ بيحبك وسندك وضهرك وبيطمنك بنظره أو كلمه ..حقيقي هوا دا الاخ الحقيقي
نور هديت شويه واتطمنت..
وبعدين قعدت جنب يحيي ..
_يلا يجماعه نسيبهم لوحدهم
دي كانت جمله يحيي الكبير..
كلهم بالفعل قاموا وقعدوا بعيد عنهم شويه..
_هتفضلي مكسوفه وباصه في الأرض كتير ..
_احم انا انا ..
احمد ضحك ..
_انتى اي انا عارف انك مكسوفه ومش متخيله الموقف ..
بس انا هنا جاي علشان اتجوزك مش جاي اضربك ولا اسالك سؤال في الفيزياء..
نور ضحكت وبصتله..
_ايوا كدا يا شيخه خلي الشمس تطلع ..
_شكرا يا مستر أحمد
_اي هوا في شكرا ومستر كمان على فكره انا جاي اتجوزك مش جاي اديكي حصه
_امال اقول اي
_متقوليش انا اللي هقول
بصي يا ستي انا معجب بيكي من زمان من ساعت مكنت بديكي في المدرسه من اول يوم شوفتك فيه وانا معجب بيكي وقلب معايا بحب مع الوقت وعلى فكره اخوكي كان عارف من زمان بس كنت مستني الوقت المناسب علشان اقعد القعده دي ها اي رايك تقبلي تتجوزيني ولا هتقولى عليا اكبر منك بعشر سنين..
_عمر مكان السن عقبه في اي حاجه اهم حاجه الراحه النفسيه ..
_يعني اي موافقه
هزت راسها بأه
احمد فرح جدا ونادى ليحيي ..
وجهم وقراوا الفاتحه ونور كانت مبسوطه جدا وكلهم كانوا مبسوطين...
ونور قربت من يحيي..
_مش ناوي تفرحني بيك بقى
_اها ناوي بس مش دلوقتي
_امال امتى
_في حفلة التخرج
وغمزلها...
نور مكنتش فاهمه كلامه..
وفضلت واقفه تفكر ازاى دا هوا حفلة تخرج مين بالظبط
احمد شافها تايهه عرف أن في حاجه
_في اي
_اصل ..خلاص مفيش يا مستر
_مستر تاني أسمى احمد والله ممكن تنسي بقى اني كانت بدرسلك
_حاضر هحاول
_طيب قولي احمد كدا
_احم احمد
_الله احلى احمد دى ولا اي..
يحىى جه من وراهم ومسك احمد
_لا يحبيبي مفيناش من كدا لما تعوز تعاكسها استأذنى الاول
_لا يشيخ مش هى هتبقى مراتي
_اعقل احسن ارجع في كلامى
_لا خلاص انا لما صدقت..
عدى على اليوم دا حوالى سنه وأحمد ونور قربو من بعض اكتر وكل لما تسال يحيي مش هفرح بيك يقولها يوم التخرج مش عارفه تخرجها ولا تخرجه ...
فارس دخل ثانوى وحلمه قدامه انو يدخل حربيه ويكون ظابط ومى كانت معاه في المدرسه ...
الاتنين كانوا مع بعض خطوه بخطوه وبيساعدوا بعض في المذاكره..
يحيي الكبير كان
مبسوط بوجودهم في حياته ..
كان قاعد مع فريده بيتفرجوا على التليفزيون..
_عوزا اجوز يحيي بقى وافرح بيه
_بتفكري في اللي بفكر فيه
_بس انا عارفه انو مش عاوز دلوقتي
_انا عارف هوا عاوز امتى
_امتى
_لما يتطمن على أخته ..
_بس لسه قدامها خمس سنين
_وانا عارف انو هيستني
_عالاقل اخطبله
_قدامك مين
_اللي قدامك
_طيب قولى
_قول انت الاول
الاتنين في نفس الصوت
_آليا
وضحكوا سوا
_بنت حلال وتستاهل كل خير وعارفه انها بتحبه
_عارفه انا كان نفسي في اي
_اي
_كان نفسي يكونوا دول عيالنا كان نفسي يكون في حته منى جواكى وتكبر قدامى كنت عاوز حاجه تكون رمز لحبنا حتى لو احنا كبار كدا
_بجد يعني انت مش هتزعل من الخبر اللي هقولهولك
_خبر اي
_انا حامل
_بجد..
_انا حامل..
يحيي اول مسمع الجمله دي وحاله من الضحك والسعاده والفرح والمفاجأه على وشه ..
_الحمد لله يارب حققت امنيتي أن يكون في حته منى جواها
جوا البنت اللي حبيتها طول عمري انا انا مش عارف اقول اي انا مبسوط اووي انا بحبك اوووي ...
فريده اول مره تحس بالسعاده دي وتشوف الشخص اللي بتحبه فرحان بيها وبحملها..
افتكرت أن كل مره كانت بتحمل فيها وهي مع حسن مكنتش بتشوف السعاده اللي شايفاها على وش يحيي دلوقتي..
_انت بجد مبسوط يا يحيي يعني انت فرحان انى حامل وجوليا حته منك
_انا مش مبسوط بس انا طاير من الفرحه انا انا مش قادر اوصفلك السعاده اللي انا فيها دي حاجه طول عمري بتمناها مكنتش متخيل انها تتحقق دا كان حلم بالنسبه ليا ...
انا عاوز اطير انا مش عارف اعمل اي ...
وبدأ في ضحك وسعاده هيستيريه اول مره فريده تشوف يحيي كدا حتى أنها خاڤت أن يجراله حاجه من الفرحه ..
_اهدى يا حبيبي
احساس جميل اووي انك يجيلك العوض من الشخص اللي بتحبه واللي حاجه اللي محتاجها وبتحلم بيها تيجي من الشخص اللي بتحبه واللي بتتمناه من الدنيا ..
العوض جميل اووي وليه فرحه تانيه ..
فرحه بعياط ودموع مع زياده شغفك للحاجه دي ...
_انا فعلا مكنتش عاوز حاجه من الدنيا غيرك انا لما صدقت اكون معاكى ..بس كان نفسي في طفل منك يكون على اسمي ...
_انا مكنتش اعرف انك بتحبني اووي كدا
_انتى مش متخيله الحب الي جوايا من ناحيتك ..
_وانا كمان بحبك اوووي فعلا عرفت معنى الحب على ايدك بالفرحه اللي في عينك دي
انا النهارده اسعد واحده في الدنيا انا طول عمري مفرحتش بطفل قد ما فرحت بالطفل دا فعلا دا بيكون من تأثير الشخص اللي معاه...
_قوليلي بسرعه نفسك في اي اي حاجه نفسك فيها هتكون عندك حالا...
_انا مش عوزا حاجه من الدنيا غير وجودك جنبي عوزا اجيب طفل شبهك ...
نور جت عليهم
_الله الله اي اللي انا شايفاه ده...
يحيي بفرحه _تعالى يا نور هقولك على مفاجاه
_اي بسرعه
_ماما حامل ..
_بجد..
وقربت من أمها
_بجد يا ماما بجد هتجبيلي نونو صغنن ..
انا فرحانه اوووي انا هروح اكلم احمد اقولو..
يحيي
