حبيبي المدير الفصل 49
مريم حركت راسها بدوخه خفيفه وكانت والدتها قربت منها وقالت بصوت مليان بكاء :حبيبتي طمنيني عليكي عامله ايه يا روح قلبي؟
مريم اول ما اخدت بالها ان دي والدتها اتضايقت لانها بدأت تفتكر كل حاجه حصلت الفتره اللي فاتت فلما لقتها پتبكي قالت :ماما انتي جيتي هنا ازااي؟
فادية پبكاء:جيت بالعربيه تبع ماهر جوز احلام ،كملت بتردد،اصل انا كنت بدور عليكي وقابلتهم صدفه واحلام أصرت اني افضل في القصر لحدما جوزها يلاقيكي..
مريم اتكلمت باستغراب:هيا احلام كانت هنا ،
كانت فاديه هتجاوبها بس حسن اتكلم وقال:ايوا يا مريم واتبرعتلك پالدم كمان ..اخدةا منها كيسيين ډم لانك ڼزفتي متير..
مريم ابتسمت ابتسامه خفيفه خلت فاديه تستغربها فقالت مريم وهيا بتدور بعيونها في الأوضة:هيا فين احلام ..انا عاوزه اشوفها ؟
فاديه استغربت كلام بنتها فقربت منها وقالت بهمس:انتي في وعيك يا مريم انتي بجد عاوزه تشوفيها!
ابتسمت مريم وحركت راسها بالموافقه وقالت:ايوا يا ماما احلام انقذت حياتي ولازم اشكرها وكمان هيا وحشتني اوي!
فاديه ضمت حاجبها وبصت لحسن وقالت:هو في حد ضربها علي دماغها..ولا هيا تحت تأثير البنج لسا!
ابتسمت مريم وقالت:لا انا كويسه بصت لحسن وقالت:ممكن تتواصل معاها ولو هيا مشيت تخليها تيجي لاني عاوزاها ضروري'
حسن حرك راسه بالموافقه وكان هيخرج بس هيا منعته وقالت:استني يا حسن خليك معايا شويه انا عاوزه اقولك حاجه مهمه!
حسن بصلها بانتباه وهيا بصت لوالدتها وقالت:معلش ياماما سيبيني انا وحسن لان في موضوع مهم لازم نتكلم فيه!
فاديه برفع حاجب:هتتكلموا في ايه ياعني متتكلموا قدامي!
حسن بص علي فاديه بضيق ومريم قالت:معلش ياماما دي حاجه ضروريه ..سيبنا بس عشر دقايق علشان انا ليا كلام معاكي بخصوص اللي حصل دا ؟
فادية اتوترت وحركت راسها بالموافقه وخرجت وحسن قفل وراها الباب وقرب من مريم اللي كانت بتحاول تقعد وقال:ارتاحي يا مريم متبذليش اي مجهود علشان الچرح اللي مفتوح دا!
مريم بصتله بتفحص :هو انت بخير!
حرك راسه وهو بيبصلها بتركيز:اهم حاجه انتي اللي بخير ،طمنيني عليكي
ابتسمت مريم لما لقته خاېف عليها فقالت بخجل:خاېف عليا يا حسن؟
